فخامة الرئيس؛ الخائن هو من يصافح قاتل جنوده ويقبل بمفاوضات مع من يقتل شعبه...لا من يدافع عن أرضه- نسيم بو سمرا

 

حرب الآخرين على أرضنا؟

هيدا اللي طلع معك يا رئيس الجمهورية؟

_استشهاد عسكري وشقيقه

استشهاد عناصر من امن الدولة

استشهاد اعلاميين

استشهاد مواطن اختبأ ببلدية ضيعتو

استشهاد عناصر دفاع مدني..

وكل يوم في شهداء؛.

هودي استشهدوا لأنهن مساندين

إيران؟

تحرير جرود عرسال من داعش والنصرة، كان حرب الآخرين او حربنا عالتكفيريين اللي احتلوا أرضنا وخطفوا جنودنا بالجيش ودبحوا بعضن امام الشاشات ونكلو بأهلن؟

كانت معركة فجر الجرود اللي أخد فيها القرار القائد ميشال عون، معركة الشرف والتضحية والوفاء، ولكن بحسب المعلومات انت ما كان بدك المعركة، بطلب او ضغط أميركي، هلق عرفنا ليش اتأخرت المعركة، لأنو هم أنفسن اللي جابوك رئيس، كانو شركاء الجولاني اللي نصبوه رئيس واللي انت طلعت على سوريا وقابلتو؛ صافحت  خاطف عناصر الجيش والقاتل، فلذلك ما منستغرب اليوم زحف عهدك للاستسلام للعدو، لأنو متل ما بعت جنودك لترضي الاميركي، اليوم عم تبيع وطنك وتخون دماء الشهداء والجرحى من شعبك، لتحصل على صورة مع هولاكو العصر؛

أما إشادتك بترامب واعجابك به وبحبه للبنان كما تدعي، فمستغرب، لأن كثيرا من الحب ما قتل، وهو وعدك بوقف اطلاق النار ولكنه بالمقابل أعطى العدو حرية الحركة لقتل اللبنانيين وتدمير لبنان؛

فيما الذي رضي بالتنازل عن السيادة وباع الجنوب ورضي بمنطقة امنية، فليس المقا_ومة التي اعتبرتها خائنة لانها هي الوحيدة التي تدافع عن الأرض، بينما انت طلبت من الجيش ان ينسحب من مناطق القتال، اي أذليت جيشك، بينما شعبنا في جبل عامل لا يقبل الذل وسيستمر في التصدي للعدوان، ومقابل المنطقة المحتلة العازلة في لبنان، المق_اومة فرضت أيضا منطقة عازلة في شمال فلسطين المحتلة، ولن يعود اليها مستوطنوها، اذا منع أهالي الجنوب من العودة الى قراهم الحدودية.

30-4-2026